ბორჯღალოსნების შემადგენლობა ‘ბარბაროსებთან’

30.05.18

© თამუნა ყულუმბეგაშვილი

 

ივნისის ტესტების დაწყებამდე 10 დღით ადრე, ბორჯღალოსნები 31 მაისს ‘ფრანგ ბარბაროსებს’ დაუხვდებიან. მატჩი, რომელიც 20 საათზე ‘დინამო არენაზე’ დაიწყება და საქართველოს პირველი რესპუბლიკის შექმნიდან 100 წლის თავს ეძღვნება, ქართველ გულშემატკივარს ლამაზ და ლაღ სანახაობას პირდება.

 

ოკეანეთში გამგზავრებამდე ეს იქნება ერთგვარი გასახურებელი, მოსამზადებელი მატჩი. ჩვენი გუნდი კუნძულებისკენ გეზს 1 ივნისს, გამთენიისას აიღებს და ქომაგს კარგი სანახაობის გარდა, მათი გაცილების შესანიშნავი შესაძლებლობა ეძლევა. აღსანიშნავია, რომ ბოლო 3 წელიწადში, ეს იქნება პირველი შემთხვევა, როდესაც ბორღალოსნები დროის ამ მონაკვეთში საკუთარი გულშემატკივრების წინაშე ითამაშებენ.

 

ახალგაზრდები და გამოცდილები

 

რადგან თამაში არაოფიციალურია და მწვრთნელებს საქმეში რაც შეიძლება მეტი მორაგბის ხილვა სურთ, ჩვენს განაცხადში ორით მეტი, 25 მოთამაშეა. შემადგენლობა გამოცდილი და ახალგაზრდა მორაგბეების ნაზავს წარმოადგენს. არიან ისეთებიც, რომელთაც ბორჯღალოსანთა კვართით დიდი ხანია არ უთამაშიათ.

 

ზუსტად ერთწლიანი პაუზის შემდეგ, ნაკრებს უბრუნდება თამაზ მჭედლიძე, რომელიც ცენტრში ახალგაზრდა გიორგი კვესელაძეს შეუწყვილდება. ისევე, როგორც რაგბი ევროპის ბოლო ორ მატჩში, ფრთებზე სოსო მათიაშვილი და ანზორ სიჭინავა ითამაშებენ, ხოლო ფულბეკი ბორჯღალოსნების საუკეთესო მექულე მერაბ კვირიკაშვილია.

 

ღერძს ვასილ ლობჟანიძე და რეზი ჯინჭველაშვილი შეადგენენ, რომელმაც ბოლოს ამა წლის თებერვალში, ბელგიის წინააღმდეგ ითამაშა. მთლიანობაში, ხაზის 7 მოთამაშიდან 6, 25 და ნაკლები წლისაა.

 

მთლიანობაში, სასტარტო შემადგენლობაში მყოფი 6 მორაგბის კეპების ჯამი (107) 3-ით ჩამოუვარდება მერაბ კვირიკაშვილის კეპების რაოდენობას, 4-ს კი ნაკრებში 10 თამაშიც არ ჩაუტარებია.  

 

ხაზის მარქაფა შედარებით გამოცდილია - ლაშა ხმალაძე, სანდრო თოდუა, ბექა წიკლაური და ვაჟა ხუციშვილი. ხუციშვილმა ნაკრების კვართი ბოლოს 1 წლისა და 4 თვის წინ, რაგბი ევროპაზე ბელგიის ნაკრების წინააღმდეგ მოირგო.

 

კვაჭ შალვა მამუკაშვილს მხარში ბურჯები, გიორგი თეთრაშვილი და გიორგი მელიქიძე ამოუდგებიან. თეთრაშვილს ნაკრებში წელიწადზე მეტი, შარშანდელი რაგბი ევროპის შემდეგ არ უთამაშია, ხოლო მელიქიძე წლევანდელ რაგბი ევროპაზე ოთხჯერ შევიდა შეცვლაზე.

 

მეორე ხაზში გუნდის კაპიტან გიორგი ნემსაძეს ახალგაზრდა ოთარ გიორგაძე შეუწყვილდება, ხოლო მესამე ხაზი სრულად განახლებულია. შერკინების შემკვრელი მიხეილ გაჩეჩილაძეა, რომელმაც ნაკრებში წელს დაიმკვიდრა ადგილი და 5 კეპი მოიხვეჭა, ერთი ფლანკერი გურამ შენგელიაა, რომელსაც სანაკრებო დებიუტი წლევანდელ რაგბი ევროპაზე ბელგიასთან, რამდენიმე წუთით ჰქონდა, ხოლო მოკლე ფრთაზე გიორგი ცუცქირიძეს ვიხილავთ, რომელმაც ბოლოს გერმანიის წინააღმდეგ, შეცვლაზე ითამაშა.

 

მორკინალების კეპების ჯამი 173-ია. 8 მორაგბიდან 10-ზე მეტი კეპი მხოლოდ ორმა - მამუკაშვილმა და ნემსაძემ მოიხვეჭეს. მეორეხაზელი გუნდს მეექვსედ უკაპიტნებს.

 

თადარიგშია ბურჯი ირაკლი მირცხულავა, რომელმაც სანაკრებო მატჩი ბოლოს თითქმის 2 წლის წინ, სუვაში ფიჯის წინააღმდეგ ჩაატარა. მეორე ბურჯი ზურაბ ჟვანია, ხოლო კვაჭი გიორგი ჭყოიძეა.

 

მეორე ხაზში შეცვლაზე არიან შალვა სუთიაშვილი და ნოდარ ჭეიშვილი, მათგან პირველს მესამე ხაზშიც შეუძლია თამაში. შეცვლაზეა საბა შუბითიძე, რომელსაც ნაკრებში 2017 წლის რაგბი ევროპის ჩემპიონატის შემდეგ არ უთამაშია.

 

 

საქართველოს ბორჯღალოსნები

"ფრანგი ბარბაროსების" წინააღმდეგ

ხუთ 31/05_2018  |  თბილისი, დინამო არენა  |  20.00

No

სახელი და გვარი

კლუბი

დაბ

ბრჯ

მონაგარი

 

უკანა ხაზი [ბექები]

 

15

მერაბ კვირიკაშვილი

ლელო სარასენს [საქ დ 10]

1983

110

16ლ 147გ 150ჯ 3ა [833 ქ] 5სბ

14

სოსო მათიაშვილი

აკადემია [საქ დ 10]

1993 9

4ლ 16გ 12ჯ [88 ქ]

13

გიორგი კვესელაძე

მარნეულის არმაზი [საქ დ 10]

1997 7

3

12

თამაზ მჭედლიძე

აჟენ [სფრ ტოპ 14]

1993

46

6ლ სბ

11

ანზორ სიჭინავა

აკადემია [საქ დ 10]

1995

6

3 სბ

10

რევაზ ჯინჭველაშვილი

მარნეულის არმაზი [საქ დ 10]

1995

7

:

9

ვასილ ლობჟანიძე

ბრივ [სფრ ტოპ 14]

1996

32

5

 

შერკინება [ფორვარდები]

 
1

გიორგი თეთრაშვილი

აჟენ [სფრ ტოპ 14]

1993

8

:

2

შალვა მამუკაშვილი

ლოკომოტივი [საქ დ 10]

1990 54

5ლ სბ

3

გიორგი მელიქიძე

სტად ფრანსეზ [სფრ ტოპ 14]

1996

7

4

ოთარ გიორგაძე

კლერმონ [სფრ ტოპ 14]

1996

10

2

5

გიორგი ნემსაძე^კაპ

ოსპრეიზ [უელ პრო 14]

1984

81

13ლ [5 კაპ] 6სბ

6

გიორგი ცუცქირიძე

ორიაკ [სფრ პრო დ2]

1996

7

სბ

7

გურამ შენგელია

გორის ჯიქი [საქ დ 10]

1992 1

:

8

მიხეილ გაჩეჩილაძე

ენისეი [რუს სუპერ]

1990 5

2

 

მარქაფა [თადარიგი]

 

25

ბექა წიკლაური

ლოკომოტივი [საქ დ 10]

1989

29

5 24გ 15ჯ 2ა [124 ქ]

23

სანდრო თოდუა

ლელო სარასენს [საქ დ 10]

1987

71

9 2სბ

22

ლაშა ხმალაძე

ბათუმი [საქ დ 10]

1988

62

8ლ 4გ [48 ქ]

21

ვაჟა ხუციშვილი

რუსთავის ხარები [საქ დ 10]

1993

23

:

 

16

გიორგი ჭყოიძე

გორის ჯიქი [საქ დ 10]

1991

3

:

17

ზურაბ ჟვანია

სტად ფრანსეზ [სფრ ტოპ 14]

1991

32

10ლ 2სბ

18

ირაკლი მირცხულავა

უაიონაკს [სფრ ტოპ 14]

1988 11

:

19

ნოდარ ჭეიშვილი

შონბრი [სფრ ფედ1]

1990

11

:

20

შალვა სუთიაშვილი

ანგულემ [სფრ პრო დ2]

1984

66

2ლ [15 კაპ] 3სბ

24

საბა შუბითიძე

აკადემია [საქ დ 10]

1994

10

:

29/05_2018 @ 20.45