20წ | პირველად შოტლანდიასთან

16.06.18

© ლევან ვერძეული / თიბისი 

 

ხვალ ნაშუადღევს, საქართველოს დროით 15:30 საათზე, უმცროსი ბორჯღალოსნები 2018 წლის მსოფლიო ჩემპიონატის დასკვნით მატჩში შოტლანდიას, ბეზიეში ეთამაშებიან.

 

2016 წლიდან დღემდე, უმცროსმა ბორჯღალოსნებმა 20-წლამდელთა ჩემპიონატზე 14 თამაში გამართეს, თუმცა აქამდე შოტლანდიას არასდროს შეხვედრია.

 

სქოთებმა ბეზიეში წლევანდელ ტურნირზე ორჯერ ითამაშეს: ჯგუფური ეტაპის პირველ მატჩში იტალიასთან უკანასკნელ წუთზე გაშვებული ლელოთი 26:27 დამარცხდა, ხოლო დასკვნით ტურში ინგლისთან 10:35 წააგო. ჯგუფური ეტაპის კიდევ ერთ შეხვედრაში მას არგენტინამ 29:13 მოუგო. 12 ივნისს, მე-9 ადგილის ნახევარფინალში შოტლანდიამ ირლანდია 45:29 დაამარცხა და გაისად 12-გუნდა ელიტაში თამაში დაიბევა.

 

საქართველომ ჯგუფურ ეტაპზე ირლანდიას 24:20 მოუგო, მანამდე სამხრეთ აფრიკას მცირედით ჩამორჩა (27:33), ხოლო ბეზიეში ფინალისტს, მასპინძელ საფრანგეთს შეხვდა - 12:24. მე-9 ადგილის ნახევარფინალში უმცროსი ბორჯღალოსნები კერკეტ იაპონიას შეხვდნენ და მატჩის უმეტესი დრო მდევრის როლში გაატარეს, თუმცა დასკვნით 10 წუთში 2 ლელო გაიტანეს და 24:22 იმარჯვეს, რითაც ელიტურ 12-ში ზედიზედ მეოთხედ თამაშის უფლება დაიბევეს.

 

შოტლანდიამ 2008 წლიდან დღემდე 20-წლამდელთა ყველა ჩემპიონატი ითამაშა და საუკეთესო შედეგი შარშან, საქართველოში აჩვენა - მე-5 ადგილი. საქართველო განვლილ ორ ჩემპიონატში მე-4 თამაშებს იგებდა და ორივეჯერ მე-10 ადგილზე გავიდა. წელს პირველად, უმცროსმა ბორჯღალოსნებმა ტურნირზე ორი თამაში მოიგეს და მესამე გამარჯვების შემთხვევაში მათთვის უმაღლეს, მე-9 ადგილს შეწვდებიან.

 

ცვლილებებით და გადაადგილებებით

 

ილია მაისურაძემ, ლადო კილასონიამ და ზურა ამონაშვილმა, იაპონიასთან ნაომარ შემადგენლობაში რამდენიმე ცვლილება და გადაადგილება განახორციელეს. პირველ ხაზში კვაჭმა ლევან პაპიძემ და მარჯვენა ბურჯმა ლუკა ჯაფარიძემ ადგილი შეინარჩუნეს, ხოლო მარცხენა ბურჯად გურამ გოგიჩაშვილის ნაცვლად თამაშს გიორგი ნუცუბიძე იწყებს, რომელიც მარქაფიდან დაწინაურდა.

 

წლევანდელ ტურნირზე შერკინების მეორე ხაზში მეორედ ითამაშებს არსენ მაჩალაძე, რომელიც იაპონიასთან შერკინების შემკვრელი იყო. მას ლაშა ჯაიანი შეუწყვილდება, რომელმაც ძირითადში ადგილი შეინარჩუნა.  

 

მეორე ხაზიდან ფლანკერად გადაინაცვლა გუნდის კაპიტანმა ბექა საღინაძემ, მეორე ფლანკერი თენგიზ გიგოლაშვილია, ხოლო თორნიკე ჯალაღონიამ შემკვრელად გადაინაცვლა. მან ამ პოზიციაზე საფრანგეთის და ირლანდიის წინააღმდეგ ითამაშა.

 

კვლავ უცვლელია ღერძი - გელა აფრასიძე და თედო აბჟანდაძე. სამხრეთ აფრიკასთან მატჩის მსგავსად, ცენტრში ლაშა ლომიძე და სანდრო სვანიძე შეწყვილდებიან, ერთი ფრთა დემურ სვანიძე იქნება, რომელმაც ოთხივე განვლილ მატჩში ითამაშა, ხოლო კონსტანტინე მარჯანიშვილი ძირითადში პირველად გამოჩნდა. უცვლელია ფლანკერი - ბექა მამუკაშვილი.

 

 

20 საქართველო

– შოტლანდია  |  2018 წლის მსოფლიოს პირველობა

კვი 17/06  |  15.30 საქ  |  მედიტერანე, ბეზიე [სფრ]

 

უკანა ხაზი

 

15

ბექა მამუკაშვილი  

ლელო სარასენს

14

დემე თაფლაძე

ლელო სარასენს

13

სანდრო სვანიძე  

არმაზი მარნეული

12

ლაშა ლომიძე  

აია ქუთაისი

11

კოტე მარჯანიშვილი

ლოკომოტივი

10

თედო აბჟანდაძე  

აია ქუთაისი

9

გელა აფრასიძე  

მონპელიე [სფრ]

 

შერკინება

 

1

გიორგი ნუცუბიძე

ჯიქი გორი

2

ლევან პაპიძე

ლელო სარასენს

3

ლუკა ჯაფარიძე

ლელო სარასენს

4

არსენ მაჩალაძე  

აია ქუთაისი

5

ლაშა ჯაიანი

ექსეთერ [ინგ]

6

ბექა საღინაძე^კაპ

ლელო სარასენს

7

თენგიზ გიგოლაშვილი  

არმაზი მარნეული

8

თორნიკე ჯალაღონია  

ჯიქი გორი

 

თადარიგი

 

23

თემურ ჭიჭინაძე  

ჯიქი გორი  

22

გიორგი წიკლაური  

ჯიქი გორი

21

ლუკა დვალიშვილი

არმაზი მარნეული

 

16

თენგიზ ზამთარაძე  

ლელო სარასენს

17

გურამ გოგიჩაშვილი  

რასინგ [სფრ]

18

ლუკა აზარიაშვილი  

მონპელიე [სფრ]

19

გია ხარაიშვილი  

არმაზი მარნეული

20

ალექსანდრე კალმახელიძე

არმია